G7, që bashkon disa nga ekonomitë kryesore në botë, ka nënshkruar një marrëveshje për t’u larguar nga impiantet e qymyrit dhe për të ndaluar financimin e minierave të reja të qymyrit, për të trajtuar ndryshimin e klimës, ka thënë zyrtarja e lartë e BE-së.
“Ne duhet të dekarbonizojmë sektorin e energjisë.” – shkroi në Twitter shefja e Komisionit Evropian, Ursula von der Leyen, duke shtuar se partnerët e G7 ‘ranë dakord të heqin qymyrin nga përdorimi’.
“Marrëveshja e G7-ës për t’i dhënë fund financave globale të qymyrit është një arritje e madhe dhe i dërgon një mesazh të fortë botës.” – shkroi ajo.
BBC raportoi se të pranishmit në takimin e G7 në Britani do i japin fund financimit të prodhimit të ri të qymyrit në vendet në zhvillim dhe caktoi deri në 2.6 miliardë euro për të ndaluar përdorimin e karburantit.
Von der Leyen tha se BE-ja synon të marrë 38% të energjisë së saj nga burimet e rinovueshme deri në vitin 2030, pasi G7 planifikon të arrijë çlirimet zero deri në vitin 2050.
Në një deklaratë të përbashkët, G7 u zotua të shpenzojë 100 miliardë dollarë në vit deri në vitin 2025 për të ndihmuar vendet e varfëra të zbusin efektet e ndryshimit të klimës.
G7 përfshin SHBA-në, Kanadanë,Mbretërinë e Bashkuar, Francën, Gjermaninë, Italinë e Japoninë. Shefja e Komisionit Evropian merr pjesë në takimet e e grupit.
