Të dhënat personale të më shumë se 100 trupave sekrete të Britanisë së Madhe janë shfaqur pas një gabimi të rëndë të sigurisë.
Dokumenti përmbante identitetin e agjentëve nga njësi të shumta dhe në disa raste, ata janë aq të fshehtë sa qeveria është përpjekur të mos përmendë ekzistencën e tyre.
Ushtria britanike ka nisur një hetim pasi një email ishte shpërndarë gabimisht nga nëpunësit, duke zbuluar identitetet e më shumë se 100 trupave të Forcave Speciale, njoftoi Daily Mail.
Sipas medias në fjalë, Lista e Ushtrisë Britanike, e cila u ishte dërguar aksidentalisht qindra zyrtarëve, përfshinte katërmbëdhjetë ushtarë të Shërbimit Special Ajror (SAS), pesë anëtarë të Regjimentit Special të Zbulimit (SRR), katër ushtarë të Shërbime Speciale të Marinës (SBS) ) si dhe 39 parashutistë nga Grupi i Mbështetjes së Forcave Speciale (SFSG).
Emaili përfshinte gjithashtu dyzet emra nga organizata shumë të ndjeshme të inteligjencës dhe komunikimit dhe madje përmendi një nga anëtarët që i përkiste të ashtuquajturës ‘E Skuadron’, që konsiderohet njësia inteligjente ushtarake më e fshehtë e Britanisë së Madhe.
“Kjo asnjëherë nuk duhet të ishte dërguar ose shpërndarë midis personelit jo të verifikuar sepse shumë lehtë mund të binte në duar të gabuara. Pasojat mund të ishin fatale.” – tha një burim për gazetën.
Ministria e Mbrojtjes që atëherë ka adresuar gabimin, duke thënë se ‘rrjedhja e këtij informacioni po hetohet dhe do të ishte e papërshtatshme të komentohet më tej’.
Përgatiti për Hashtag.al, Klodian Manjani
