Një politikan kanadez ka kërkuar falje pasi u shfaq duke urinuar gjatë një mbledhjeje parlamentare, që po zhvillohej online.
Kjo ishte hera e dytë që William Amos përfshihet në një skandal të tillë. Muajin e kaluar, ai u shfaq lakuriq në një telefonatë virtuale me kolegë.
“Unë jam thellësisht i zënë ngushtë nga veprimet e mia dhe shqetësimi që ato mund të kenë shkaktuar për këdo që i ka parë.”- tha Amos të enjten, citon BBC.
Ai e përshkroi incidentin e fundit si “të papranueshëm” por “aksidentale”.
Në deklaratën e tij, politikani, i cili është anëtar i partisë Liberale të kryeministrit Justin Trudeau, tha se ai përkohësisht do të largohej nga disa detyra por do të vazhdojë të përfaqësonte zonën e tij elektorale.
Ai shtoi se do të “kërkonte ndihmë”, pa sqaruar se për çfarë do të kërkonte ndihmë.
“Jam thellësisht mirënjohës për mbështetjen e stafit tim dhe dashurinë për familjen time.”- shtoi ai.
Please see my statement. Veuillez lire ma déclaration. pic.twitter.com/ICc8WjqNZi
— William Amos (@WillAAmos) May 28, 2021
‘Një gabim i sinqertë’
Amos është një ish-avokat i mjedisit dhe ka qenë anëtar i parlamentit që nga viti 2015. Në prill, ai u shfaq i zhveshur në një tjetër video me kolegët dhe tha se ai e kishte ndezur aksidentalisht kamerën e tij ndërsa ndërronte rrobat, pasi kishte bërë më parë një vrap të lehtë.
Në atë kohë Amos tha se ishte “në siklet” nga incidenti, por tha se ishte një “gabim i sinqertë” nuk do të ndodhte më.