Kreu i grupit parlamentar të PS-së pohoi sot se procesi zgjedhror i 25 prillit kishte qenë tejet demokratik.
Gjatë fjalës në Kuvend, Balla, theksoi se se forcat politike në vend duhet të pranojnë verdiktin e popullit.
Po kështu ai përsëriti ftesën për opozitën për të vijuar punën e lënë në mes për reformën zgjedhore.
“Procedurat ankimore që subjektet zgjedhore po marrin kohën e tyre dhe koha në dispozicion është pa limit dhe falë Zotit çdo parti politike nuk mund të ketë më gojë në fund të procesit të mos pranojë verdiktin e popullit. Verdikti i qytetarëve është brenda në kuti dhe ta respektojmë të gjithë. Ky ishte një proces tejet demokratik, në shtator sapo legjislatura e re të vijojë punë të punojmë së bashku për vijimin reformës Zgjedhore të lënë në mes.” – tha Balla.
