Banorët në Britani e Kubë janë bërë spektatorë të ‘dushit kozmik’ me objekte të ndritshëm që ranë nga qielli, të cilat u pasuan nga zhurma të forta. Pamje të tilla të pakonfirmuara u raportuan edhe në SHBA.
Një kamera në makinë regjistroi një top të ndritshëm drite duke fluturuar nëpër qiell mbi ishullin Xhersi, një territor britanik në Kanalin Anglez.
Rreth të njëjtës kohë, banorët në Britani raportuan të dëgjonin një zhurmë të fortë në qarqet jugperëndimore të Devon, Dorset, Cornwall dhe Somerset. Tingulli u përshkrua si një “bum zërit” dhe një “gjëmim i madh” në mediat sociale.
Një tjetër meteor i dukshëm u pa duke fluturuar mbi Kubë, ku banorët thanë se panë objekte me shkëlqim në qiellin e natës dhe dëgjuan atë që dukej si shpërthim. Raportet në mediat sociale pretenduan se meteori u pa gjithashtu nga Xhamajka.
Kreu i Shërbimit Kombëtar të Sizmologjisë së Kubës, Enrique Arango Arias, tha për faqen e lajmeve Cubadebate se “fenomeni” u vu re nga qytetet e Moa, Sagua de Tanamo dhe Maisi. Ai shtoi se pajisjet e agjencisë regjistruan një valë shoku, burimi i së cilës nuk erdhi nga toka.
Instituti i Meteorologjisë i vendit u citua nga media të thoshte se regjistroi një flakë në atmosferën e sipërme, e cila kishte të ngjarë të kishte ardhur nga shpërthimi.
Shërbimi Kombëtar Sizmologjik vuri në dukje se objektet e ndritshme që shihen nga Toka mund të jenë meteorë ose shkëmbinj më të vegjël hapësinorë, plehra ose mbeturina nga anijet kozmike dhe satelitët. Agjencia më vonë tha se nuk mund të gjente ndonjë provë që meteori goditi tokën, që do të thotë se objekti kozmik ka të ngjarë të jetë shpërbërë në ajër.
