Vendosni fjalën kyçe....

Biden s’do e sanksionojë Princin Saudit për vrasjen e gazetarit Khashoggi: Do përdorim mjete “më efektive”


Pavarësisht premtimeve të kaluara të Joe Biden për të sanksionuar Princin e Kurorës Saudite Mohammed bin Salman mbi vrasjen e gazetarit Jamal Khashoggi, Sekretarja e Shtypit të Shtëpisë së Bardhë, Jen Psaki, pretendon se SHBA-ja do të përdorë metoda ‘më efektive’.

Vendimi i administratës së Biden për të sanksionuar një numër zyrtarësh sauditë, por jo vetë Princin e Kurorës, u mor pasi një raport i komunitetit të inteligjencës lëshuar të premten e akuzoi Princin për miratimin e kapjes dhe vrasjes së gazetarit Jamal Khashoggi në Stamboll në vitin 2018.

“Ne besojmë se ka mënyra më efektive për t’u siguruar që kjo nuk do të ndodhë përsëri dhe gjithashtu të jemi në gjendje të lëmë hapësirë ​​për të punuar me sauditët. Kështu është diplomacia.” – tha Psaki.

Muaj më parë, demokrati Joe Biden premtoi veprim të ashpër kundër princit të ri, i njohur shkurtimisht MBS, gjatë fushatë presidenciale.

Në një debat kundër presidentit të atëhershëm Trump në tetor, Biden u zotua se ai do ta bënte Arabinë Saudite një shembull ‘mbi vrasjen e Khashoggit’ dhe se ‘mbretërit sauditë do paguanin një çmim’ për vrasjen e tij.