Pesë persona, mes të cilëve edhe një grua shtatzënë, janë qëlluar për vdekje të dielën brenda një shtëpie në Indianapolis në SHBA.
Të shtënat fatale ndodhën rreth orës 4 të mëngjesit, shkruan CNN. Në fillim policia zbuloi një të mitur të plagosur e ndërsa hetonin per ngjarjen zbuluan një shtëpi afër brenda të cilës kishte katër të rritur të tjerë të vdekur.
Shefi i Policisë Randal Taylor tha se këto ishin “të shtënat më të mëdha të viktimave masive të Indianapolis në më shumë se një dekadë”.
Zëdhënësi i policisë së qytetit, Shane Foley tha se të gjithë personat në shtëpi u gjetën të vdekur: Kezzie Childs, 42-vjeç, Raymond Childs, 42-vjeç, Elijah Childs, 18-vjeç, Rita Childs, 13-vjeç dhe Kiara Haëkins, 19-vjeç. Kjo e fundit ishte shtatzënë.
Ndërkohë i mituri i gjetur i plagosur besohet se do të shpëtojë.
Policia beson se të shtënat vdekjeprurëse nuk ishin të rastësishme, por ishin një sulm i shënjestruar i kryer nga një sulmues ose disa sulmues.
“Por ajo që pamë këtë mëngjes ishte një lloj tjetër e keqeje. Ajo që ndodhi këtë mëngjes, bazuar në provat që janë mbledhur deri më tani, ishte vrasje masive.”-tha shefi i policisë.
Kryebashkiaku Joe Hogsett i quajti të shtënat “vrasje masive” dhe tha se një individ ose individë kishin sjellë “terror në komunitetin tonë”. Ai tha se kishte kontaktuar zyrtarë të FBI-së, zyrën lokale të Avokatëve të SHBA-së dhe agjencitë e tjera të zbatimit të ligjit për ndihmë në hetimin e të shtënave.
