Ambasadori i BE-së në vendin tonë, Luigi Soreca, këtë të mërkurë ka zhvilluar një takim online me kreun e KQZ-së, Ilirjan Celibashi.
Ata kanë diskutuar mbi punimet për Kodin e ri Zgjedhor. Lidhur me këtë, Soreca thotë se një sfidë e madhe mbetet rinovimi i kartave të identitetit.
Ai u bën thirrje qytetarëve shqiptarë që t’i rinovojnë ato urgjentisht para zgjedhjeve, që mbahen më 25 prill.
“Shkëmbim i mirë me KQZ-në, Komisionerin Shtetëror të Zgjedhjeve, Ilirjan Celibashi dhe OSBE. Po punohet për zbatimin e kodit të ri zgjedhor bazuar në reformën e 5 qershorit. Por rinovimi i shumë dokumenteve biometrike të ID është një sfidë e madhe. Ne i bëjmë thirrje qytetarëve që urgjentisht t’i rinovojnë ato para ditës së zgjedhjeve.”, shkruan Soreca.
Good exchange with CEC Cssr. @ICelibashi, to @OSCEinAlbania. Work is well ongoing to implement new electoral code based on 5/6 reform. But renewal of still too many ID biometric documents is a big challenge. We call oncitizens to urgently renew them before Election-day. pic.twitter.com/uxOEEAYw6Z
— Luigi Soreca (@LSorecaEU) January 20, 2021
