CEO-ja i aplikacionit social konservator ‘Parler’ tha se të gjithë shitësit e tij e kanë braktisur kompaninë pas bllokimeve të fundit nga Google, Apple dhe Amazon.
“Çdo shitës, nga shërbimet e mesazheve me tekst te siguruesit e postës elektronike deri te avokatët tanë, të gjithë na ndaluan gjithashtu, në të njëjtën ditë.” – tha CEO-ja i ‘Parler’, John Matze, në një intervistë me Fox News të dielën.
Google ndaloi Parler të premten, Apple e hoqi Parler të shtunën dhe Amazon e ka informuar Parler se do e heqë nga shërbimet e hostimit të dielën në mbrëmje. Çdo kompani përmendi kërcënimet e dhunës të postuara në Parler në arsyet e tyre për heqjen e aplikacionit.
Fotografitë nga aplikacioni të shpërndara nga grupi aktivist Sleeping Giants treguan përdoruesit që bënin thirrje për dhunë ndaj Mike Pence dhe kërcënonin aktivitete të mëtejshme në Capitol Hill në 19 janar.
Në një postim të shtunën në mbrëmje, Matze tha se shërbimi ‘do të jetë i padisponueshëm në internet brenda një jave pasi rindërtohet nga e para’ dhe se ‘ne kemi shumë që garojmë për biznesin tonë’.
Por në intervistën e së dielës, Matze tha se po kishte vështirësi për të gjetur një shitës të ri për të punuar me të.
“Ne do të përpiqemi të bëjmë më të mirën për t’u rikthyer në internet sa më shpejt të jetë e mundur, por po kemi shumë probleme sepse çdo shitës me të cilin flasim thotë se nuk do të punojë me ne. Sepse nëse Apple nuk miraton dhe Google nuk miraton, atëherë ata nuk do të miratojnë.” – shtoi ai.
