Gjyqtari italian Pierluigi Collina është shpallur gjyqtari më i mirë në histori nga France Football. Çmimi për italianin vjen pak pas shpalljes së ekipit më të mirë në historinë e futbollit.
Ai la pas vetes britanikun Ken Aston e francezin Michel Vautrot.
“Kur flitet për gjyqtarët, emri i parë që të vjen në mend është i tiji. Pasi debutoi në vitin 1977 dhe deri në përfundimin e karrierës në vitin 2005, Collina ka shkruar historinë e futbollit.” – thuhet në motivimin e revistës së njohur franceze.
Në karrierën e tij, Collina ka gjykuar 467 ndeshje duke përfshirë finalen e Botërorit 2002. Ndeshja e fundit e gjykuar prej tij është ajo mes Vijarrealit e Aston Vilës në Ligën e Kampionëve. Tani Collina mban postin e Presidentit të Komisionit të Gjyqtarëve të FIFA-s.
Renditja
- Pierluigi Collina
- Ken Aston
- Michel Vautrot
- Markus Merk
- Charles Corver
- Mike Dean
- Ian Foote
- Ali Bennaceur
- Stephanie Frappart
- Howard Webb
