Ka nisur në Tiranë protesta e paralajmëruar kundër dhunës policore.
Dhjetëra qytetarë janë mbledhur në sheshin ‘Skënderbej’ ndërsa policia u ka kërkuar atyre që të shpërndahen pasi nuk lejohet tubimi i më shumë se 10 personave sipas vendimit të Komitetit të Ekspertëve.
Ata kanë biseduar me disa grupe qytetarësh duke u bërë thirrje që të largohet.
Protestuesit thërrasin ‘Rama ik’ ndërsa kërkojnë largimin e drejtorit të Përgjithshëm të Policisë, Ardi Veliu. Ata e akuzojnë këtë të fundit se ka manipuluar provat e vrasjes së 25-vjeçarit Klodian Rasha.
