Qindra qytetarë të Lushnjës kanë protestuar mbrëmjen e sotme kundër dhunës policore. Ata janë mbledhur te rrethrrotullimi i stadiumit e më pas kanë marshuar drejt komisaratit të policisë.
Protestuesit mbanin në duar një pankartë me shënimin: ‘Lushnja s’i nënshtrohet diktaturës’ ndërsa gjatë marshimit thërrisnin ‘Rama ik’.
Protesta të ngjashme janë zhvilluar ditët e fundit në qytetet kryesore të vendit. Qytetarët kërkojnë ndalimin e dhunës policore dhe dorëheqjen e drejtorit të Përgjithshëm të Policisë, Ardi Veliu.
