Një burrë indian që ndihmoi në testimin e një vaksine Covid-19 bazuar në vaksinën e kompanisë ‘AstraZeneca’ ka ngritur padi, duke pretenduar se ai pësoi efekte anësore ekstreme gjatë pjesëmarrjes së tij në testim.
Paditësi, i identifikuar në raportet e mediave si një burrë 40-vjeçar nga Chennai, po padit Institutin Serum të Indisë (SII) me bazë në Pune për 5 milion dollarë ($ 676,000 USD).
Individi pretendon se ai pësoi dëmtime serioze neurologjike pasi mori pjesë në provën e fazës tre të Covishield, versioni SII i vaksinës Covid-19 që po zhvillohej nga AstraZeneca dhe Universiteti i Oksfordit. Supozohet se burrit iu tha se vaksina ishte e sigurt dhe zgjodhi të merrte pjesë në program për t’i shërbyer interesit publik.
Procesi gjyqësor gjithashtu kërkon që SII, AstraZeneca dhe Grupi i Vaksinave të Oksfordit të ndërpresin menjëherë testimet e vaksinave, në të cilat rreth 1,600 vullnetarë janë regjistruar deri tani.
Dhjetë ditë pasi bëri vaksinën, burri u ankua për një dhimbje koke të fortë dhe përjetoi të vjella, i tha gruaja e tij, medias lokale. Ai ishte sjellë në mënyrë aspak normale para se të transferohej në repartin e urgjencës së Spitalit Mjekësor, Sri Ramachandra.
Një deklaratë nga spitali arriti në përfundimin se problemet mjekësore nuk ishin të lidhura me vaksinën dhe një zyrtar mjekësor i cituar nga media indiane pretendoi se pacienti ishte mirë.
Në shtator, SII bëri një pauzë të shkurtër për provat klinike të Covishield, pasi një person që u vaksinua me një vaksinë të AstraZeneca kishte gjithashtu efekte anësore.
India është përballur me kritika se nuk ka qenë transparente në lidhje me provat e saj të vaksinave Covid-19. Sipas Revistës Shkencore, SII nuk po përdor të njëjtën protokoll të fazës tre të testimit të zbatuar nga AstraZeneca, dhe gjithashtu ka refuzuar t’i bëjë publike udhëzimet e saj.
