Kryeministri Edi Rama në emisionin “Real Story” deklaroi se problemi me çështjen ndaj akuzave për Bashën ka të bëjë me qëndrimin që duhet të mbajë lideri i opozitës mbi dëshmitë që prezantohen në media.
Më tej Rama u ngacmua nga drejtuesi i emisionit se me pyetjet ndaj Bashës ka i trazuar gjithë Prishtinën e Kosovën, Rama iu përgjigj: Jo nga pyetjet e mia për Bashën, por nga dëshmitë e dëshmitarëve që janë nga Kosova. S’kanë arsye t’i besojnë më shumë Bashës se atij zotërisë që jeton akoma atje ku ka parë masakrën. Edhe deklarimin e Mustafës e lexoj sikur ka lidhje me fokusin e debatit, jo me pyetet e mia për Bashën. Është vetë ngjarja që e krijon debatin ndaj s’kam si i fajësoj mediat. Nuk ka shans të besoj Bashën me shumë se atë njeriun që jeton ende në atë vendin e masakrës.
Ndërkaq kreu i ekzekutivit shtoi se midis dëshmitarit të masakrës së Krushes dhe Bashës nuk ka arsye të besojë kryetarin e opozitës.
Rama shtoi se problemi me Bashën është karakteri i lidershipit që nuk është në gjendje të mbajë pozicion për asgjë.
“Midis atij zotërisë që jeton akoma në vendin e masakrës dhe s’ka arsye në botë që të shpifë, e që s’ka interes të asnjë natyre të dalë në sy të gjithë dynjasë e të sajojë histori që edhe Haradinajt meqë ma përmendët, që s’shquhet të jetë ushtar i së vërtetës gjithnjë, unë zgjedh atë zotërinë. Këtu është fjala e një dëshmitari dhe një politikani jo si gjithë të tjerët, por dekretuesi i opozitës që refuzon të japë shpjegim njerëzor, prej lideri që e mbyll debatin duke thënë s’është lojë, janë mashtrues, e orkestron. Si mundet këtu të besosh Lulzim Bashën? Këtu problemi është i karakterit të një lidershipi që s’është në gjendje të mbajë pozicion për asgjë. Në kulmin e dështimit të vetë kanë bërë aleat vetë Covid e ka bërë Basha e Meta, kjo është shpresa e fundit për të rrëzuar qeverinë, që të realizojnë qëllimin që s’kanë për t’ja arritur dot”-tha Rama.
