Bashkëthemeluesi dhe shefi ekzekutiv i kompanisë BioNTech, tha se ai ishte optimist se efekti mbrojtës i vaksinës eksperimentale COVID-19, e zhvilluar në bashkëpunim me Pfizer, do të zgjaste të paktën një vit.
Të dy kompanitë më herët të hënën u bënë prodhuesit e parë të ilaçeve që lëshuan të dhëna të suksesshme të provave, duke thënë se vaksina e tyre u tregua të ishte më shumë se 90% efektive, një fitore e madhe në luftën kundër pandemisë.
“Ne duhet të jemi optimistë se efekti i imunizimit mund të zgjasë të paktën një vit.” – tha CEO-ja, Ugur Sahin për Reuters.
Ndërsa nuk dihet ende se sa do të zgjasë efekti mbrojtës, ai tha se hulumtimi mbi pacientët e riaftësuar kishte treguar që ata me nivele të larta të antitrupave nuk kanë përjetuar një rënie të mprehtë të tyre dhe e njëjta gjë ka të ngjarë të ndodhë edhe me personat e vaksinuar.
Duke nënvizuar sfidën logjistike të shpërndarjes së vaksinës, ai theksoi se ajo duhej ruajtur në një temperaturë minus 70 gradë Celsius.
