Autoritetet austriake kanë kryer kontrolle të gjera në të gjithë vendin kundër personave me lidhje të dyshuara me grupe ekstremiste.
Operacioni u zhvillua një javë pas një sulmi vdekjeprurës terrorist në Vjenë. Si pjesë e aksionit, i quajtur ‘Operacioni Ramses’, policia bastisi 60 apartamente, shtëpi dhe biznese herët në mëngjes të hënën. Bastisjet u kryen në Vjenë dhe në rajonet e Styria, Carinthia dhe Austrisë së poshtme.
Autoritetet kanë arrestuar 30 persona me lidhje të dyshuara me grupet islamike ‘Hamas’ dhe ‘Vëllazëria Myslimane’. Sipas zyrës së prokurorit në qytetin e Graz, më shumë se 70 të dyshuar po hetohen për lidhje të mundshme me organizata terroriste.
“Ne kemi arritur të godasim terrenin për ekstremizëm.” – u tha gazetarëve mMinistri i Brendshëm, Karl Nehammer pas bastisjeve.
Ministrja e Integrimit, Susanne Raab, tha se veprimi kundër ‘Vëllazërisë Myslimane’ kishte për qëllim parandalimin e ‘përhapjes së ideve ekstremiste në Austri’ dhe tregoi se vendi është ‘serioz në lidhje me luftën kundër ideologjive radikale, ekstremiste’.
