Sot naftëtaret e Ballshit kanë hyrë në ditën e 14-të të grevës së urisë, ndërsa kanë shkuar në mbështetje të tyre edhe naftëtarë të Kuçovës.
Gratë naftëtare thonë se nuk do dorëzohen derisa të marrin pagat që u takojnë.
”Ne po kërkojmë djersën tonë dhe jo lëmoshë. Kryeministri ta harrojë që dalim nga greva pa marrë lekët.
Në datë 2 nëntor fillojnë shkollat e larta dhe nuk kemi me çfarë t’i dergojmë fëmijët, do t’i mbajmë në shtëpi. Duam zgjidhje sa më shpejte, por nuk dorëzohemi.”- tha një nga naftëtaret.
Gjendja shëndetësore e grave në grevë sa vjen e përkeqësohet, ndërsa presin ilaçe nga fëmijët që i kanë jashtë.
Një prej naftëtarëve i ka bërë një thirrje Kuvendit që të lënë më njanë debatet për Kodin Zgjedhor por të fokusohen në problemin e tyre.
”Lini mënjanë Kodin Zgjedhor, diskutoni në seancë për naftëtarët dhe problemet e tyre. Nuk kemi marrë dot leje për tubim për shkak dhe të pandemisë, por greva dhe protesta vazhdojnë.”- tha një nga naftëtarët në protestë.
