Vendosni fjalën kyçe....

Basha: Situata e rëndë, territori kontrollohet nga njerëz që frikë nga transparenca


Kryetari i PD-së Lulzim Basha ka folur për incidentin e djeshëm, ku përfaqësuesit e kësaj force politike Ina Zhupa dhe Belind Këlliçi u përzunë nga inceneratori i Sharrës.

Ndërsa ishte i ftuar në emisionin “ABC-ja e Mëngjesit” e Enkel Demit, Basha tha se territory po kontrollohet nga njerëz të cilët kanë frikë nga transparenca.

 “Është më e rëndë se aq sa ç’thoni ju sepse nuk është puna që nuk kontrollohet territori, është puna që territori kontrollohet nga njerëz të cilët kanë frikë nga transparenca, kanë frikë, fshehin diçka. Se në qoftë se nuk fshehin diçka pse i nxjerr njerëzit me të përzënë, apo për të kërcënuar apo për të shantazhuar përfaqësuesit e opozitës janë aty për të denoncuar diçka që çdo shqiptar tani e ka kuptuar. “– tha Basha.

Ai vijoi me akuzat e tij ndaj qeverisë për inceneratorët, duke thënë se diferenca e Shqipërisë me vendet e rajonit si Kosova dhe Maqedonia e Veriut, është se ato po i çojnë paratë e buxhetit tek njerëzit, ndërsa qeveria shqitare tek inceneratorët.

 “Në mesin e pamdemisë, ku gjithë vendet duke përfshirë edhe vendet e rajonit, duke përfshirë dhe Kosovën duke përfshirë dhe Maqedoninë e Veriut te cilat nuk është se kanë më shumë buxhet se çkemi ne dhe ato po i çojnë për të ndihmuar njerëzit, sepse nji nga aspektet më të rëndësishme të mirëmenaxhimit të pandemise është të sigurojmë që ato para që i mungojnë familjave shqipëtare për shkak të krizës ekonomike që shkaktoi pandemia, ai konsum që ka rënë për shkak të zbrasjes së xhepave të njerëzve ato të konpensohen nga paratë e buxhetit të shtetit.

Se në fund të fundit qeveria për çfarë ekziston nëse nuk ndihmon njerëzit. Dhe këtë kemi kërkuar ne prej 6 muajsh Keli, pra më 11 Mars për herë të parë kemi dalë me një propozim, me një planë që ja kemi parashtruar qeveris ku i kemi kërkuar të ndaj menjëherë çdo lloj prokurimi, çdo lloj pagese ndaj aferave të dyshuara korruptive dhe këto para t’i dedikoj për familjet që kanë humbur të ardhurat, për kryefamiljarët që kanë humbur vendin e punës, për pensionistët të cilët janë në rrezikun më të madh për shkak të moshës dhe kanë shpënzime të shtuara për shkak të pandemisë, por edhe për ekonominë sepse Shqipëria është goditur shumë rëndë nga kjo krizë edhe është goditur edhe më rënda nga mos menaxhimi ose keq menaxhimi i kësaj krize, ndërkohë në Kosovë në Maqedoni paratë shkojnë për të ndihmuar sipërmarrjen. Sepse sipërmarrja nëse nuk ndihmohet falimenton, nëse falimenton do dalin njerëzit pa punë, në qoftëse njerëzit janë pa punë pa të ardhura bie konsumi, krijohet një rreth viciozë i të keqes që e zhyt thellë e më thellë ekonominë.

Ndaj kemi dalë me një propozim konkretë, i cili po të ishte zbatuar në tërësinë e tij do të ishte parandaluar një situatë e rëndë ekonomike të cilën sot në mëngjes FMN-ja e ka përshkruar me shifra konkrete. FMN-ja sot thotë që nga të gjithë vendet e rajonit shqipëtarët do t’i duhet të përballojnë rënien më të madhe të të ardhurave, ofro 450 dollarë dëgjoje dhe njëherë këte numrin për frymë. Çdo vend tjetër ka rënie më të vogël dhe Serbia nuk ka rënje, ka një rritje prej 90 dollarësh për frymë edhe gjatë vitit të pandemisë, pse ndodh kjo. Shteti është rregullator, merr taksa dhe i shpenzonë këto taksa, se sa taksa merr dhe si i shpenzojnë këto taksa vendos pastaj se si është mirëqenia qytetarëve. Çfarë ka bërë Shqipëria në këtë kohë pandemie, taksat ka vazhduar t’i vjelë, unë kam qenë deri para 4-5 ditësh në mes të Tiranës dhe në Durrës, në Lushnje, në Elbasan, në Kurbin.”– deklaroi kryedemokrati.


Leave a Reply

Your email address will not be published. Required fields are marked *