Një polic kroat që ruante një ndërtesë qeveritare në Zagreb u qëllua dhe u plagos nga një person i armatosur. I dyshuari më vonë vrau veten, sipas autoriteteve zyrtare.
Një person i armatosur i paidentifikuar hapi zjarr në Sheshin St. Mark në kryeqytetin kroat të hënën në mëngjes duke përdorur një armë automatike, duke plagosur një polic.
Videoja e publikuar nga një kanal kroat i lajmeve tregon punonjësit e urgjencës që nxitojnë për të ndihmuar oficerin dhe duke e vendosur atë në një ambulancë. Incidenti ndodhi pranë ndërtesës së parlamentit të Kroacisë dhe zyrave qeveritare si dhe Gjykatës Kushtetuese të vendit.
Agresori i paidentifikuar thuhet se qëlloi disa herë në drejtim të ndërtesës së parlamentit para se të arratisej.
Policia filloi menjëherë ndjekjet e të dyshuarit me helikopter. Një burrë që përputhet me përshkrimin e agresorit u gjet më vonë i vdekur, thanë zyrtarët.
Oficeri u dërgua në spital. Media lokale raportoi se ai ishte goditur në krahun e majtë dhe në të dy anët e kraharorit por ishte në gjendje të qëndrueshme.
Në përgjigje të të shtënave, parlamenti i Kroacisë ka anuluar të gjitha takimet. Kryeministri Andrej Plenkoviç nuk ishte në ndërtesë gjatë kohës së sulmit, por arriti në vendin e ngjarjes më vonë.
