Policia ka nisur një hetim pasi gjyqtari italian i futbollit, Daniele De Santis dhe e fejuara e tij u qëlluan për vdekje me thikë brenda shtëpisë së tyre në Leçe, sipas një raporti nga ‘La Repubblica’.
Nuk ka ende shumë hollësi lidhur me ngjarjen e rëndë. Raportet paraprake sugjerojnë që disa njerëz kanë parë një burrë që vraponte nga vendi i ngjarjes ndërsa mbante një thikë në dorë.
Një nga trupat është gjetur në shkallët e kompleksit të apartamenteve dhe një tjetër brenda shtëpisë, sipas policisë.
Policia ka filluar një hetim për vrasjen e dyfishtë, por ende nuk ka identifikuar zyrtarisht një të dyshuar. Sidoqoftë, raportet fillestare kanë sugjeruar që policia po kërkon një burrë që duket se është rreth 60 vjeç.
