Në ka ndonjë vend ku prania e Bashkisë Tiranë nuk mungon asnjëherë, është nëpërmet policisë së saj në rrugicat e kryeqytetit.
Kryebashkiaku i saj, Veliaj, ka arritur të ndërtojë një sistem-kurth tabelash që godet qytetarët e Tiranës përmes gjobave të vendosura në xhamat e mjeteve të tyre.
Policët bashkiakë i gjen kurdoherë të krye të detyrës me blloqe gjobash duke lëvizur në rrugët e rrugicat gjithnjë e më të ngushta të kryeqytetit.
Mënyra e funksionimit dhe ndarjes së zonave është në funksion të vendosjes së gjobave ndaj qytetarëve.
Duhet thënë se Tirana Parking është ndërmarrja më fitimprurëse e bashkisë pikërisht për shkak të gjobave të vendosura. Në lagje e zona ku jepen leje ndërtimi, duke bllokuar rrugët me betona apo me makina të rënda transporti, kjo gjë shoqërohet me vënie tabelash ndalim qëndrimi e ndalim parkimi, që mbijnë aty ditë pas dite duke shërbyer si një formë kurthi ndaj qytetarëve.
Kjo maksimizon goditjen, duke sjellë të ardhura edhe nga ndërtimet edhe nga gjobat e vëna.
Shqetësime e denoncime lidhur me sistemin-kurth të tabelave të bashkisë dhe gjobat e vëna ndaj qytetarëve qarkullojnë prej vitesh. Një shembull i këtij sistemi kriminal po e ilustrojmë me fotot e mëposhtme.
Në foto shihet se si dy tabela afër e afër kundërshtojë njëra-tjetrën.
*Fotot marrë nga faqja average.albanian në Instagram
