Një burrë i armatosur ka marrë peng disa persona në një bankë në Normandi të Francës. Mediat vendase raportojnë se ai po kërkon që Izraeli të lirojë “fëmijët palestinezë të burgosur padrejtësisht ” dhe t’i lejë palestinezët nën 40 vjeç në xhaminë Al-Aksa në Jeruzalem.
Dy kërkesat iu dhanë drejtpërdrejt mediave, sipas RTL. Oficerët e specializuar të RAID janë në vendngjarje dhe rrugët përreth janë mbyllur. Asnjë i lënduar nuk është raportuar.
Një peng i tretë është lëshuar nga agresori, raporton BFMTV, ndërsa tre të tjerë janë akoma brenda, të gjithë punonjës të bankës.
Një zëdhënës i policisë tha më herët se pengmarrësi kishte katër pengje brenda bankës. Dy u liruan më herët. Zëdhënësi e përshkroi gjithashtu burrin si një 34-vjeçar me një histori problemesh psikiatrike.
Publikut po i kërkohet të shmangë hapësirën e përgjithshme të Bulevard Strasburg.
Ministri i Brendshëm Gerald Darmanin në një postim në Twitter shkruan se ai po monitoron situatën “me shumë kujdes” dhe është në kontakt me policinë. Ai u bëri thirrje qytetarëve që të respektojnë perimetrin aktual të sigurisë dhe të shmangin zonën.
