Mijëra qytetarë mbushën rrugët e Londrës një ditë pasi kabineti qeveritar zgjeroi udhëzimet e tij për mbulesën e detyrueshme të fytyrës.
Demonstrata vjen mes skepticizmit në rritje në të gjithë botën mbi efikasitetin e politikave të tilla.
Një grup i madh i demonstruesve u mblodhën në Hyde Park të shtunën, ku ata dëgjuan fjalime që denoncuan masat e qeverisë kundër koronavirusit. Piers Corbyn, vëllai i ish-drejtuesit të Laburistëve, Jeremy Corbyn, ishte midis folësve.
Protestuesit mbanin në duar pankarta që lexonin ‘Stop normale të re, shpëto jetën’, ‘Liria mbi frikën’ dhe ‘Maskat janë gojëza’ e më pas marshuan pastaj drejt Doëning Street, duke ndaluar jashtë selisë së BBC.
Mbulesat për fytyrën u bënë të detyrueshme kohët e fundit në dyqane dhe supermarkete në Angli. Kryeministri Boris Johnson njoftoi të premten se do të kërkohen maska në muzetë, kinematë, galeritë e artit dhe vendet e adhurimit duke filluar nga 8 gushti.
Ekziston gjithashtu një debat i gjerë nëse ekziston një bazë shkencore për shumë nga politikat anti-koronavirus.
Qeveria holandeze njoftoi kohët e fundit se nuk do ta këshillonte publikun të mbante maska, duke argumentuar se nuk ka prova të mjaftueshme se ato janë efektive.
