Roscosmos po bashkëpunon me një firmë amerikane për të dërguar dy turistë hapësinorë në Stacionin Ndërkombëtar Hapësinor (ISS) vitin e ardhshëm, ka njoftuar agjensia ruse e hapësirës.
Emrat e dy individëve premtohet se do të zbulohen diku në muajt e parë të 2021.
Nisja do të bëhet në partneritet me Space Adventures me qendër në SHBA dhe është planifikuar të bëhet në fund të vitit të ardhshëm.
Roscosmos nënshkroi një kontratë me kompaninë amerikane në shkurt 2019, duke rënë dakord të dërgojë dy turistë në hapësirë deri në vitin 2022.
Agjensia ruse tashmë ka filluar punën për një anije kozmike Soyuz-MS dhe një raketë transportuese Soyuz-2 për udhëtimin e planifikuar në hapësirë. Turistët janë duke mbuluar të gjitha shpenzimet që lidhen me fluturimin, tha Roscosmos.
Dy udhëtarët me fat (dhe me sa duket shumë të pasur) nuk do të jenë turistët e parë që kanë nderin të vizitojnë ISS. Roscosmos dhe Space Adventures u partnerizuan në 2001 për të dërguar në ISS turistin e parë në hapësirë, Dennis Tito.
Udhëtimi raportohet se i kushtoi Titos 20 milionë dollarë. Sopranoja britanike Sarah Brightman ishte planifikuar të bënte udhëtimin në 2015, por ajo e anuloi para se të fillonte nisja.
