Vendosni fjalën kyçe....

Projekti për xhaminë e madhe në Prishtinë, protesta e kundërprotesta


Kosova është përfshirë ditët e fundit nga përplasje lidhur me ndërtimin e xhamisë së madhe në Prishtinë. Ditën e sotme një numër i vogël qytetarësh kanë protestuar kundër ndërtimi të saj, shkruan Koha.

Ata kanë thënë se nuk janë kundër xhamisë, por kundër modelit që është përzgjedhur.

Në anën tjetër është zhvilluar një kundërprotestë nga disa qytetarë, të cilët u kanë thënë protestuesve pse nuk janë shprehur edhe kundër ndërtimit të kishës ortodokse në kampusin universitar, rrënimit të objektit shkollor ku është ndërtuar katedralja dhe po ashtu kundër faljes së pronave manastirit në Deçan.