Drejtoresha e gjimnazit “Sami Frashëri”, Teuta Dobi, u ka kërkuar mësuesve që të dalin për të festuar Ditën e Verës.
Deputetja e Partisë Demokratike, Albana Vokshi, ka publikuar mesazhin që Dobi u ka dërguar mësuesve që të grumbullohen në orën 09:30 para Pallatit të Kulturës.
Vokshi shkruan se pasi ndryshuan Ditën e Verës, tani po bëjnë një anti-miting duke detyruar administratën dhe mësuesit që të dalin në shesh.
“Skandali me “Ditën e Verës” – si po detyrohen mësuesit të dalin në shesh bashkë me fëmijët e tyre
Nuk u mjaftuan që e shtynë Ditën e Verës, Nuk u mjaftuan që nga ditë feste, po e bëjnë “anti-miting”
Por po detyrojnë gjithë administratën dhe mësuesit të dalin në shesh.
Ja si Drejtoresha e Gjimnazit “Sami Frashëri” detyron mësuesit bashkë me fëmijët e tyre të dalin në pikë të mëngjesit.” – shkruan Vokshi në statusin e saj në “Facebook”.
