Ndërsa qeveritë perëndimore hapën bilancet e kontrollit për Helmetat e Bardha – një organizatë që ka vepruar në Siri, bashkëthemeluesi i organizatës i përdori paratë për të rritur pagën e tij dhe madje edhe për të financuar dasmën e tij, sipas një raporti holandez.
Disa ditë para se të hidhej nga një dritare në Stamboll vitin e kaluar, duke gjetur vdekjen, bashkëthemeluesi i Helmetave të Bardha dhe mercenari britanik James Le Mesurier pranoi se kishte mashtruar Mayday Rescue, një organizatë që mblodhi fonde për grupin e shpëtimit antiqeveritar në Siri.
Sipas dokumenteve të para nga gazeta holandeze De Volkskrant, Le Mesurier i tha një llogaritari të dërguar për të audituar bilancet e bamirësisë se ai kishte falsifikuar faturat për 50,000 dollarë, duke pretenduar se shuma ishte dërguar për të financuar një operacion evakuimi në Siri. Në vend të kësaj, paratë iu paguan vetë Le Mesurier.
Përveç se i paguante vetes një rrogë prej 24,000 eurosh në muaj, Le Mesurier zhytej në paratë e kompanisë për të financuar një martesë të harlisur në Stamboll në 2018, dhe për të lëshuar kredi për gruan e tij të re, ish-diplomaten Emma Winberg, pretendon raporti.
Kontabilisti i dërguar për të hetuar Mayday zbuloi se ‘dhjetëra mijëra dollarë’ ishin tërhequr për të paguar ‘martesën përrallore’.
Ndërkohë, qeveritë në të gjithë botën perëndimore ishin rreshtuar për të mbështetur Mayday, dhe kanalizuar paratë te Helmetat e Bardha.
Sipas një raporti të vitit 2018 nga Ministria e Punëve të Jashtme Holandeze, organizata mori 127 milionë dollarë në vitet mes 2014 dhe 2018, me vetëm 19 milionë dollarë nga kjo shumë që vijnë nga donatorë joshtetërorë.
Qeveria e Holandës pagoi pothuajse 11.5 milionë dollarë në këtë periudhë, ndërsa dhurime të ngjashme rrodhën nga Gjermania, Britania e Madhe, Kanadaja, Katari, etj.
Pavarësisht se janë përshëndetur si punëtorë shpëtimi të patrembur, Helmetat e Bardha janë akuzuar për partneritet me Al-Kaedën. Duke vepruar ekskluzivisht në territorin e mbajtur nga rebelët, anëtarët e grupit janë fotografuar duke pozuar me xhihadistë dhe janë akuzuar për kryerjen e sulmeve me armë kimike për të tërhequr forcat perëndimore kundër presidentit sirian Bashar Asad.
Vdekja e Le Mesurier u vlerësua si një vetëvrasje nga autoritetet turke. Pak pas ngjarjes, një numër vendesh që kishin dhuruar shuma të mëdha në organizatën Mayday, kanë një vështrim tjetër mbi llogaritë e organizatës.
Sipas De Volkskrant, ky hetim zbuloi se shumica e të dhënave financiare të Mayday mungojnë. Donacionet nuk iu dorëzuan organizatës në Amsterdam dhe nuk shkuan në Siri, por u shpërndanë përmes një rrjeti të organizatave tregtare në Turqi dhe Dubai.
Në një letër për donatorët, Le Mesurier pranoi se kishte mashtruar, por tha se nuk e kishte kryer me qëllim. Pasi këta donatorë zbuluan se paratë e tyre ishin zhdukur, ata e mbajtën sekret hetimin për Mayday, raportoi De Volkskrant.
Qeveria holandeze tërhoqi fondet e saj nga Mayday Rescue gati një vit para se Le Mesurier të pranonte mashtrimin dhe të vriste veten.
Qeveria në Hagë nuk do të transferojë një subvencion përfundimtar prej më shumë se 57,000 eurosh për organizatën, ndërsa Gjermania po përpiqet të kërkojë mbrapsht 50,000 euro. Cor Vrieswijk, administratori i ri i Mayday, i tha De Volkskrant se bamirësia do të shpërndahet në muajt e ardhshëm.
