Komisioni Evropian ka publikuar raportin të cilin e ka dorëzuar në Parlamentin Europian dhe Këshillin Europian lidhur me mekanizimin e liberalizimit të vizave.
Në analizën e bërë thuhet se Shqipëria ka ndërmarrë veprime të identifikuara në Raportin e Dytë dhe standardet e liberalizimit të vizave vazhdojnë të përmbushen.
Progres është arritur në zbatimin e veprimeve për të trajtuar migrimin e parregullt, përfshirë kontrollet e forcuara kufitare.
Megjithë uljen e shkallës së kthimit, bashkëpunimi i mirë për ripranimin vazhdoi dhe duhet të ruhet, si dhe bashkëpunimi me BE dhe Shtetet Anëtare për migracionin dhe sigurinë. Në të njëjtën kohë, nevojiten përpjekje të mëtejshme për të siguruar përmirësimin dhe qëndrueshmërinë e rezultateve, veçanërisht në lidhje me kërkesat e pabazuara të azilit dhe luftën kundër krimit të organizuar.
Por në raportort thuhet se fushat e mëposhtme duhet të adresohen më tej:
- Rritja e masave për të adresuar migracionin e parregullt dhe kërkesat e pabaza të azilit të shtetasve shqiptarë, përfshirë identifikimin dhe adresimin e arsyeve themelore dhe organizimin e fushatave të mëtejshme informative mbi të drejtat dhe detyrimet e udhëtimit pa viza.
- Ruajtja dhe forcimi i bashkëpunimit operativ proaktiv me Agjencitë e BE-së dhe me shtetet anëtare të BE-së që përballen me presionin migrator me origjinë nga Shqipëria, si dhe rendin publik dhe kërcënimet e sigurisë të paraqitura nga përfshirja e shtetasve shqiptarë në grupet e krimit të organizuar.
- Përmirësimi i efektivitetit të përpjekjeve të ndjekjes penale dhe zbatimit të ligjit për të luftuar korrupsionin e lartë dhe krimin e organizuar.
- Përmirësimi i regjistrave të rasteve në lidhje me pastrimin e parave / financimin e antiterrorit dhe shfrytëzimin e plotë të mbështetjes së dhënë nga Komisioni për të forcuar aftësinë për të luftuar pastrimin e parave dhe financimin e terrorizmit.
