Arben Shehu është zyrtarisht kreu i ri i Kontrollit të Lartë të Shtetit.
Kandidatura e propozuar nga presidenti Meta pak kohë më parë ka marrë 108 vota në seancën e ditës së sotme.
Pas votimit Shehu ka falënderuar deputetët.
“Faleminderit për besimin” – ka thënë Shehu gjatë seancës së sotme menjëherë pas votimit.
Ai ishte kandidatura e katërt e presidentit Meta për kreun e KLSH-së pas përfundimit të mandatit të Bujar Leskajt.
Shehu është pedagog prej 16 vitesh në Fakultetin e Drejtësisë ndërsa është i diplomuar edhe në degën Administrim-Biznesi në vitin 2018.
Ai ka një mastër ne shkencat penale si dhe është Doktor i Shkencave Ligjore në fushën e krimit të organizuar.
