Një aktivist ka vandalizuar statujën e Jean-Baptiste Colbert jashtë parlamentit francez. Pamjet e publikuara në mediat sociale tregojnë aktivistin duke spërkatur me bojë të kuqe statujën e Colbert.
Ai shkroi fjalët “negrofobia e shtetit” në bazën e monumentit, përpara se policia ta ndalonte atë, shkruan BBC.
Colbert ishte një burrë shteti francez që i shërbeu mbretit Louis XIV gjatë Shekullit të 17-të. Ai ndihmoi në shkrimin e Kodit Noir ose Kodit të Zi në Shekullin 17, i cili përcaktonte skllavërinë dhe racën në perandorinë koloniale të Francës.
Acte politique sur la statue de #Colbert #RacismeDEtat pic.twitter.com/JtufMz0Bkb
— AntiNégrophobie (@Antinegrophobie) June 24, 2020
Një zëdhënëse e qeverise i kritikoi ashpër mbishkrimet, duke thënë se njerëzit duhet të respektojnë “faktet historike”.
Në Francë ka pasur protesta masive për vdekjen e Adama Traoré, një 24-vjeçar i vrarë gjatë arrestimit nga policia në vitin 2016. E sëfundmi demonstruesit e kanë krahasuar vdekjen e tij me atë të George Floyd në SHBA, duke rikthyer protestat në vend.
