Një sherr me thika ka ndodhur në Korçë mes të rinjve ku për pasojë janë plagosur 3 prej tyre.
Ngjarja ndodhi në lagjen nr.2 të qytetit ndërsa tre të rinjtë u dërguan në spital jashtë rrezikut për jetën.
“Në datën 23.06.2020, rreth orës 21:20, në lagjen nr. 2, gjatë një konflikti për motive të dobëta, dyshohet të jenë dëmtuar me mjet prerës shtetasi M. R., rreth 18 vjeç; R. D., rreth 21 vjeç dhe një shtetas tjetër rreth 25 vjeç, të cilët aktualisht ndodhen në Spitalin e Korçës nën kujdesin e mjekëve” – njofton policia.
