Kulla e pjerrët e Pizës në Itali është rihapur përsëri për turistët, tre muaj pas mbylljes për shkak të koronavirusit.
Të parët që ngjitën më shumë se 280 shkallët ishin 10-vjeçarja Matilde dhe babai i saj Roberto, raporton agjensia e lajmeve Ansa.
Rihapja vjen pasi Italia e goditur keq nga koronavirusi, po heq masat e saj të bllokimit.
Megjithatë siç shkruan BBC, numrat e vizitorëve janë ulur në 15 në të njëjtën kohë në monumentin, që normalisht tërheq rreth pesë milionë turistë në vit.
Turistët duhet të vendosin maska për fytyrën dhe do të përdorin një pajisje elektronike e cila dërgon sinjale dhe tinguj nëse dikush i afrohet një tjetri gati 1 metër.
Presidenti i bordit të drejtorëve përgjegjës për kullën dhe monumentet përreth, Pierfrancesco Pacini, e përshkroi këtë si një fillim të ri.
“Buxheti ynë do të pësojë humbje të mëdha, por ne prapë donim të dërgonim një sinjal besimi dhe shprese”– tha ai.
Kulla, ndërtimi i së cilës filloi në vitin 1173, është në mesin e pikave kryesore turistike italiane që do të hapen përsëri, përfshirë Katedralen e Milanos.
Me më shumë se 33,000 viktima, Italia ka pësuar numrin e tretë më të lartë të vdekjeve pas SHBA-së që është vendi më i goditur dhe Britanisë.
