Gjykata e Kurbinit ka vendosur të lërë në në burg Aurel Shurbin, autorin e plagosjes së dyfishtë të ndodhur të martën pranë Urës së Drojës në Mamurras.
Në seancën e zhvilluar me dyer të mbyllura, në bazë të provave të paraqitura nga prokuroria, gjykata e cilësoi të ligjshëm arrestimin e tij.
30-vjeçari Shurbi akuzohet për veprat penale “Vrasje në rrethana të tjera cilësuese, kundër dy ose më shumë personave, e mbetur në tentativë” dhe “Armëmbajtja pa leje”.
Ngjarja ndodhi tre ditë më parë, në vendin e quajtur ura e Drojës. Ai dyshohet se plagosi në pjesën e këmbëve Agron Memën 50-vjeç dhe nipin e tij Klevis Lekën 30 vjeç, të cilët aktualisht ndodhen jashtë rrezikut për jetën.
