Vendosni fjalën kyçe....

10 raste të reja, shkon në 842 numri i të infektuarve me COVID-19 në Shqipëri (HARTA)


Ministria e Shëndetësisë sapo ka bërë përditësimin e të dhënave lidhur me përhapjen e pandemisë së COVID-19 në vendin tonë.

 Në 24 orët e fundit nga 275 testime të kryera, janë shënuar 10 raste të reja, duke e çuar në 842 numrin total të të infektuarve.

Nga këto raste, 3 janë në Tiranë, 3 në Krujë, 2 në Shkodër dhe 2 në Kamëz. Sipas të dhënave të Ministrisë së Shëndetësisë, 605 prej personave të infektuar me koronavirus tashmë janë shëruar. Kjo do të thotë se në të gjithë vendin aktualisht janë 206 persona aktivë me COVID-19.

 

Rovena Daja nga Instituti i Shëndetit Publik tha informacione dhe për pacientët që po trajtohen në spital.

Në të dy spitalet dedikuar Covid janë të shtruar 38 pacientë, 7 prej të cilëve po mbahen në terapi intensive.

TË DHËNAT

Gjatë 24 orëve të fundit janë kryer 275 testime për persona të dyshuar me COVID-19 dhe prej tyre kanë rezultuar pozitivë 10 qytetarë, kontakte të rasteve të mëparshme.
Rastet pozitive të ditës së sotme janë të shpërndara si vijon: 2 të infektuar në Kamëz, 3 të infektuar në Krujë, 2 të infektuar në Shkodër dhe 3 të infektuar në Tiranë.
Që nga fillimi i epidemisë deri më sot janë konfirmuar pozitivë me COVID-19 në të gjithë vendin 842 qytetarë, ndërsa 605 prej tyre tashmë janë shëruar. Në të gjithë vendin aktualisht janë 206 persona aktivë me COVID19.
Pjesa më e madhe e të prekurve po ndiqen nga mjeku i familjes ose janë asimptomatikë, ndërsa momentalisht në dy spitalet COVID, në spitalin infektiv dhe spitalin “Shefqet Ndroqi”, aktualisht janë të shtruar 38 pacientë dhe vetëm 7 prej tyre janë në terapi intensive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
Ftojmë qytetarët të mos neglizhojnë shenjat e COVID19 dhe të telefonojnë menjëherë urgjencën kombëtare 127 në rast se kanë dyshime se janë të prekur nga ky virus.
Për të kontaktuar mjekun e familjes, për pyetje në lidhje me COVID19, për këshillim psikologjik në rast të shfaqjes së shenjave të ankthit apo shqetësime të tjera, ju lutemi, telefononi në linjën e gjelbër 0800 40-40.

COVID-19 – Statistika (7 Maj 2020)

Teste të kryera 9806
Raste pozitive 842
Raste të shëruara 605
Raste Aktive 206
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 96
Krujë 69
Shkodër 16
Kamëz 8
Kurbin 4
Elbasan 3
Fier 3
Mirditë 2
Berat 2
Durrës 1
Korçë 1
Lezhë 1


Leave a Reply

Your email address will not be published. Required fields are marked *