Suedia ka ndërtuar rrugën e parë ku mund të karikosh makinën teksa lëviz. Ajo është rruga e parë në botë e elektrifikuar.
“Krahu” i makinës ka sensorë që e dallojnë vijën ku ndodhet pjesa që karikon dhe lidhet me të duke bërë që makina të marrë energjinë e nevojshme.
Kështu mundësohet që të transferohet energji nga rruga te bateritë e mjetit me të cilin udhëtoni kjo rrugë shtrihet për rreth 2 kilometra dhe është një projekt që po eksperimentohet në vendin nordik.
Kalimi në këtë rrugë nuk ka asnjë kosto shtesë për drejtuesit e mjeteve që mund të qarkullojnë lirisht duke marrë përfitime prej saj.
