Kryebashkiaku i Nju Jorkut është akuzuar për anti-semitizëm pas kërcënimit për arrestimin e anëtarëve të një komuniteti hebre, të cilët u mblodhën për të varrosur rabinin Chaim Mertz.
“Mesazhi im për komunitetin hebre dhe të gjitha komunitetet është i thjeshtë: koha e paralajmërimeve ka kaluar”, shkroi ai.
Fotografitë e procesionit qarkulluan në media, me shumë prej pjesëmarrësve duke shkelur qartë rregullat e distancës sociale, ndërsa të tjerët nuk mbanin maska për fytyrën.
Vetë De Blasio ishte në vendin e ngjarjes, ndërsa policia e Nju Jorkut shpërndau turmën.
Kryetari i bashkisë tha se ai ka udhëzuar policinë që të paralajmërojë apo edhe të arrestojë cilindo që mblidhet në grupe të mëdha.
“Ajo që pashë nuk do të tolerohet për aq kohë sa ne jemi duke luftuar Covid-19,” shkroi ai më pas.
