Ajo që pritej ndodhi, koronavirusi ka shtyrë derbin e Italisë Juve-Inter si dhe katër ndeshje të tjera të Serisë A që do të luheshin këtë javë.
Corriere Dello Sport shkruan se kjo u vendos përmes një dekreti për urgjencat në lidhje me koronavirusin. Liga Kombëtare Profesioniste e Serisë A, pasi është njohur me dekretin qeveritar lidhur me shtimin e situatës së emergjencave në veri të Italisë, ka vendosur që pesë nga ndeshjet e kësaj jave që fillimisht do të luheshin me dyer të mbyllura, të shtyhen për më 13 maj.
Ndryshon edhe data e finales së Kupës së Italisë, e cila zhvendoset në 20 maj.
Ndeshjet e Serisë A që shtyhen për në 13 maj janë:
-Juve-Inter
-Udinese-Fiorentina
-Milan-Genoa
-Parma-SPAL
-Sassuolo-Brescia
