Komisioneri Publik ka ankimuar vendimin e Komisionit të Pavarur të Kualifikimit për konfirmimin në detyrë të kreut të prokurorisë së Durrësit, Anita Jella.
Sipas Komisionerit Pubik, Jella nuk arrin nivelin e besueshëm për konfirmimin në detyrë e për këtë arsye i kërkon Kolegjit të Posaçëm të Apelimit shkarkimin e saj.
Ai thekson se për këtë ankimim është marrë dhe miratimi i Operacionit Ndërkombëtar të Monitorimit që ka kërkuar gjithashtu shkarkimin e Jellës.
