Fluturimi me avion shpesh herë është i lodhshëm, por një grua amerikane nuk e priste që një burrë t’i prishte aq shumë qetësinë kur ajo po udhëtonte nga New Orleans për në Karolinën Veriore.
Wendi Williams e cila thotë se është mësuese në Virginia Beach, akuzon burrin që ishte ulur në sediljen prapa saj në avion se po e godiste me grusht nga prapa sediljes.
Kjo sepse ajo kishte shtrirë sediljen për të mbyllur sytë dhe për t’u qetësuar. Në një moment gjatë fluturimit, burri i kërkoi asaj të kthente sediljen e saj në pozicion të drejtë, në mënyrë që të mund të hante pak.
Kështu veproi dhe Williams, por kur e pa se ai kishte përfunduar së ngrëni e shtriu përsëri sediljen. E burri i zemëruar nisi t’i gjuante me grusht sediljes së saj disa herë duke mos e lënë të qetë.
Gruaja shkruan se i kërkoi ndihmë një stjuardese, por ajo vetëm sa rrotulloi sytë dhe i doli në krah burrit duke e kërcënuar se do merrte masa ndaj saj duke thirrur personelin e sigurisë ta shoqëronte. Videoja e zonjës u bë virale dhe menjëherë rrjeti u nda në dy grupe, një palë i jepte të drejtë gruas e një tjetër burrit.
Ky sherr ka krijuar një debat të madh lidhur me rehatinë dhe komfortin që shpesh mungon në avion.
“Siguria dhe komoditeti i klientëve tanë dhe anëtarëve të ekipit është përparësia jonë kryesore, dhe ekipi ynë po shqyrton çështjen.”– tha për CNN, American Airlines e cila në dijeni të “mosmarrëveshjes së klientëve”. Por nuk tregoi nëse zonja kishte ngritur padi ndaj linjës ajrore për sediljet.
Disclaimer: This content is exclusively managed by Caters News Agency. To license or use in a commercial player please contact licensing@catersnews.com or call +44 (0)121 616 1100 / +1 646 380 1615
— wendi (@steelersfanOG) February 13, 2020
