Policia e Durrësit ka dhënë detaje për zjarrin e rënë në një ofiçinë makinash në Rushbull.
Sipas policisë në vendngjarje kanë shkuar 5 makina zjarrfikëse të cilat kanë izoluar flakët.
Ndërkohë forcat e policisë kanë evakuuar banorët përreth vendit.
Njoftimi i policisë:
Më datë 01.02.2020, rreth orës 19:55, në Rrushbull, sa kalon shinat e trenit, ka rënë zjarr në një servis për shitje pjesë këmbimi për automjete.
Në vendngjarje kanë shkuar 5 makina zjarrfikëse ku aktualisht është bërë e mundur izolimi i përhapjes së mëtejshme të flakëve.
Forcat e Ndërhyrjes së Shpejtë të Tiranës, shërbimet e Drejtorisë Vendore të Policisë dhe të Komisariatit të Policisë Durrës po evakuojnë banorët përreth, duke i larguar nga jashtë perimetrit të sigurisë .
Shërbimet e Policisë rrugore të Durrësit kanë marrë masa për devijimin e qarkullimit dhe mos lejimin e kalimit të asnjë automjeti në afërsi të servisit të përfshirë nga flakët.
Në vendngjarje ndodhet dhe grupi hetimor, ku vijon puna për zbardhjen e rrethanave të rënies së zjarrit në këtë servis.
Vijon puna për shuarjen e plotë të zjarrit.
