Shtohen mosmarrëveshjet mes dy kandidatëve demokratë për presidentë, Elizabeth Warren dhe Bernie Sanders.
Ky i fundit i ka thënë asaj se një grua nuk mund të fitojë kundër presidentit Donald Trump. Të paktën kështu tha Warren në një deklaratë të hënën në mbrëmje, ku konfirmoi një raport që senatori i Vermontit i bëri vërejtje asaj në dhjetor të 2018-ës, kur të dy patën një takim privat për të diskutuar mbi garën e ardhshme presidenciale.
“Ndër temat që dolën ishte dhe ajo që do të ndodhte nëse demokratët emëronin një kandidate femër. Mendova se një grua mund të fitojë, ai nuk u pajtua. Unë nuk kam asnjë interes ta diskutoj më tej këtë takim privat sepse Bernie dhe unë kemi shumë më tepër të përbashkëta sesa dallimet tona në paratë”– tha Warren, citon Daily Mail.
Ajo tha se ata të dy janë “dy miq” që luftojnë për axhendën progresive.
“Ne kemi qenë miq dhe aleatë në këtë luftë për një kohë të gjatë dhe nuk kam asnjë dyshim se ne do të vazhdojmë të punojmë së bashku për të mposhtur Donald Trump-in dhe për ta vendosur qeverinë tonë në anën e njerëzve”– tha senatorja Warren.
Deklarata e saj vjen pas një raporti mbi një takim që dy senatorët kanë mbajtur në apartamentin e Warren në Washington, në Dhjetor 2018. Në këtë takim, ata ranë dakord të qëndrojnë civilë ndaj njëri-tjetrit në rrugën e fushatës.
