Ish-deputetja e Partisë Demokratike Albana Vokshi, ka denoncuar vonesat me pagat e 12 mijë pedagogëve.
Sipas Vokshit, Ministria e Financave nuk ka miratuar grantin duke shkaktuar vonesa në llogari bankare për kalimin e pagave.
“Ndërkohë që pagesat për Vilmën, Ilirin, Majlindën, Janin (apo atyre që janë pas 4 Koncesioneve në Shëndetësi) nuk vonojnë asnjë ditë, 12 mijë pedagogë ende nuk kanë marrë pagat e tyre.
Nga informacionet që kemi, Ministria e Financave nuk ka miratuar grantin. Duke pasur parasysh procedurat zyrtare, në rastin më të mirë pagat do kalojnë në llogarinë bankare në datat 16-17 duke krijuar vështirësi të mëdha në çdo familje sidomos pas festave të fund vitit. Si mund të shtyjnë muajin 12 mijë familje që burimin e vetëm të të ardhurave kanë vetëm pagat e tyre?
Kjo provon edhe një herë që qeverisja e Ramës nuk është në shërbim të pedagogëve, mjekëve, infermierëve, mësuesve, etj. por në shërbim të një grushti oligarkësh me të cilët ndan paratë”-shkruan Vokshi.
