Forcat e Armatosura të SHBA-së janë përcaktuar si organizatë terroriste nën një mocion urgjent nga deputetët iranianë, të cilët më parë e quajtën vrasjen e Gjeneralit Qasem Soleimani ‘terrorizëm të sponsorizuar nga shteti’, raportojnë media shtetërore.
Deputetët iranianë miratuan një projekt-ligj të martën që i quan personelin e Pentagonit, të gjitha ndërmarrjet, institucionet, agjentët dhe komandantët amerikanë, anëtarë të një entiteti terrorist, raportojnë media lokale.
Projektligji ndryshon dhe zgjeron legjislacionin e mëparshëm, i cili i dha një përcaktim të ngjashëm Komandës Qendrore të SHBA (CENTCOM).
