Një grua që vuante nga kanceri i pankreasit humbi jetën pasi more flakë ndërsa ishte në operacion në një spital në Rumani.
Gruaja 66-vjeçare vdiq të dielën pasi kirurgët në Spitalin Floreasca në Bukuresht, e trajtuan atë me një dezinfektues me bazë alkooli dhe më pas përdorën një bisturi elektrike për të kryer operacionin.
Politikani rumun, Emanuel Ungureanu, tha se stafi mjekësor në spital tha se gruaja u ndez si një pishtar kur pajisja elektrike ra në kontakt me alkoolin gjatë operacionit në 22 dhjetor.
Gruaja përfundimisht iu dorëzua plagëve të saj një javë pas operacionit katastrofik. Akreditimi i spitalit është pezulluar për gjashtë muaj sepse nuk arriti të raportojë incidentin, sipas gazetës rumune G4Media.
Zëvendësministri i Shëndetësisë, Horatiu Moldavian, tha se kirurgët duhet të ishin të vetëdijshëm se përdorimi i një dezinfektuesi me bazë alkooli është i ndaluar gjatë procedurave kirurgjikale të kryera me një bisturi elektrike, ndërsa ministri i shëndetësisë, Victor Costache, lëshoi një deklaratë duke premtuar se do të hetojë incidentin tragjik.
