David Beckham është akuzuar se është shtirur sikur ai e ka gatuar vetë darkën e Krishtlindjes për familjen, pasi një kuzhinier u kap në kamera në sfond, ndërsa ai po priste gjelin e detit.
Ish-futbollisti, publikoi një video në ‘Instagram’ duke prerë gjelin e detit por fansat symprehtë vunë re dy anëtarë të stafit që qëndronin pas Beckham, njëri prej të cilëve ishte i zënë duke u marrë me pjesën tjetër të darkës.
Ndjekësit e tij nisën të komentonin se Beckham mund të mos e ketë gatuar vetë gjelin e detit, siç shkruan Mirror.
“Gjëja qesharake në lidhje me David Beckham që pret gjelin e detit, është kuzhinieri në sfond duke e parë atë se si ai…! Ti po e pret në mënyrën e gabuar shok!”- shkruan një komentues.
Disa të tjerë thonë se Beckham e fshiu videon nga rrjeti social për shkak se i doli e dështuar tentativa për t’u dukur sikur ishte kishte gatuar për familjen.
https://www.youtube.com/watch?v=AIvXSUtbOGQ
David i kaloi Krishtlindjet në shtëpinë e familjes në Cotswolds me gruan Victoria dhe katër fëmijët e tyre, Brooklyn, Romeo, Cruz, dhe Harper.
