Një grabitje me armë zjarri është regjistruar sot në Burrel, ku pre e sulmit ka rënë një person që sapo kishte dalë nga banka. Ngjarja ndodhi dje rreth orës 22:00.
“‘BalkanWeb” raporton se shtetasi me inicialet D.B., sapo kishte tërhequr nga banka një shumë të madhe lekësh, konkretisht 15 mijë euro, kur disa persona i kanë zënë pritë.
Grabitësit të armatosur dhe të maskuar kanë pikasur shtetasin në fjalë, ndërsa i kanë dalë para në rrugën që të çon në fshatin Derjan. Fill pasi morën shumën e lekëve, autorët janë larguar me shpejtësi. Ndërkohë personi i grabitur ka sinjalizuar policinë, e cila është vënë në ndjekje të tyre.