Ka shkuar në 40 numri i personave që kanë humbur jetën nga tërmeti i fuqishëm që goditi vendin mëngjesin e së martës.
Sipas ministrisë së Mbrojtjes viktima e 40 që është nxjerrë nga rrënojat është një grua në Durrës. Ajo është Rozeta Meçaj, e cila është identifikuar nga bashkëshorti i saj Ajeti, i cili ka shpërthyer në lot sapoi e ka parë.
Meçaj është nëna e 30-vjeçares Diena Meçaj Karanxha e cila humbi jetën në spital, pasi kishte humbur të bijën e saj Esielën 8-vjeçare nën rrënoja.
Aktualisht në Thumanë është ndërprerë operacioni i kërkim-shpëtimit pasi nuk ka informacion për trupa të tjerë nën rrënoja.
