Në Kurbin jan bërë bilancet e para nga tërmeti i fuqishëm që goditi vendin në orët e para të mëngjesit. Deri tani 70 banesa e 15 pallate janë shpallur të pabanueshme.
Në oborrin gjimnazit të Laçit janë ngritur disa çadra për të ndihmuar me strehimin e atyre që kanë mbetur në qiell të hapur.
Ndërkohë në zonën e Lezhës rreth 5 shkolla janë dëmtuar dhe do bëhet verifikimi për të parë nëse ato janë në gjendje të zhvillojnë proces të rregullt mësimor apo kanë nevojë për riparim.
