Kryeministri në detyrë i Kosovës, Ramush Haradinaj, ka reaguar për paralajmërimin e kryeministrit të Shqipërisë, Edi Rama, që tha se do e padisë në gjykatat e Kosovës.
Haradinaj ka thënë se ndarja do i bënte dëm Kosovës dhe se vetëm pret që të shihet në gjyq.
“Ky ka marrë pjesë në projektin e ndarjes. Ndarja do bënte dëme në shtetësinë tonë. Pasi që të hapet Kosova e 17 shkurtit nuk ka më kthim pas”-deklaroi Haradinaj.
Sipas Haradinajt, Kosova do dëmtohej nga marrëveshja dhe do humbte 10 miliardë euro në rezerva dhe minerale të Trepçës.
“Mbi 10 miliardë euro dëme do i bëheshin Kosovës në rezerva dhe minerale të Trepçës. Gjithsesi ai për momentin është në pushtet por nuk e ka të sigurt që do të qëndroj dhe mund ta humb atë. Shihemi në gjyqe”
“Nëse dikush ka premtuar me dhënë Trepçën, atëherë ka pasur përfitime nga Serbia”-tha Haradinaj në emisionin Pressing, raporton Gazeta Express.