Me sa duket i shqetësuar për kopjet, një kolegj në jug-perëndim të Indisë urdhëroi studentët e tij të mbanin kuti kartoni mbi kokën e tyre ndërsa zhvillonin një provim, duke marrë mbi vete dënimin e ministri të Shtetit për Arsimin.
Rreth 50 studentë të vitit të parë të shkencës në Kolegjin Bhagat PU në Karnataka u detyruan që të ulen në provim me kartona që mbulonin kokën, sipas raporteve të mediave lokale. Kutitë e kartonit kishin vrima të prera në pjesën e përparme, duke kufizuar vijën e shikimit të studentëve.
Në mënyrë të parashikueshme, fotot u përhapën në mediat sociale, duke tërhequr vëmendjen e zyrtarëve të tmerruar të qeverisë.
Pasi mësoi për incidentin, Ministri Shtetëror i Arsimit S. Suresh Kumar tha se studentët ishin trajtuar “si kafshë” dhe se “çoroditja” e kolegjit do të trajtohej me shpejtësi. Qeveria e shtetit thuhet se ka urdhëruar kolegjin që menjëherë të ndalojë praktikën.
Drejtori i kolegjit i tha “Times of India” se studentët dhanë pëlqimin e tyre të plotë për të marrë pjesë në eksperiment, për të cilin ai tha se synonte vetëm “frenimin e keqpërdorimeve”.